Pizza með hakkbotni
Pizza með hakkbotni
8-900 g. nautahakk
2 Nesbú egg
4 stór hvítlauksrif, söxuð smátt eða pressuð
væn lúka af ferskri steinselju, söxuð smátt
salt og pipar
gott krydd, t.d. chili explosion og heitt pizzakrydd
sveppir, skornir í sneiðar
rauð paprika, skorin í bita
ca 400 g góð pastasósa (t.d. Premium Hunts pasta sauce með Herbs & Garlic)
2 kúlur ferskur mozzarella (2×120 g), skorin í sneiðar
parmesan ostur, rifinn eða hefðbundinn rifinn ostur
Ofn hitaður í 220 gráður. Hakk er sett í skál ásamt eggjum, hvítlauk, steinselju og kryddað með salti, pipar og chili explosion kryddi (eða öðru góðu kryddi) og blandað vel saman með höndunum. Hakkinu er því næst skipt i tvennt og sett í sitt hvort kökuformið sem er ca. 24 cm, það er líka hægt að nota eldfast mót. Hakkinu er þrýst ofan í formið þannig að það þeki botninn, gott er að hafa kantana aðeins þykkari en miðjuna. Þá er pastasósunni dreift yfir hakkið og því næst sveppum og papriku. Að lokum er rifnum parmesan eða rifnum osti dreift yfir og mozzarella sneiðunum raðað yfir.
Gott að krydda að lokum með heitu pizzakryddi. Sett inn í ofn við 220 gráður í 20-25 mínútur eða þar til osturinn hefur bráðnað og nautahakkið er eldað í gegn.
Uppskrift fengin af eldhússögur.is
