Draumamolar með karamellu Pippi
Draumamolar með karamellu Pippi
- 120 g smjör (við stofuhita)
- 100 g púðursykur
- 100 g sykur
- 2 Nesbú egg
- 2 tsk vanillusykur
- 6 msk bökunarkakó
- 280 g hveiti
- 2 tsk lyftiduft
- ¼ – ½ tsk salt
- 200 g Pipp með karamellu
- 150 g hvítt súkkulaði
Ofn hitaður í 200 gráður við undir- og yfirhita. Smjör, sykur og púðursykur hrært saman þar til blandan verður létt og ljós. Þá er eggjum blandað útí, einu í senn og hrært vel á milli. Hveiti, kakói, vanillusykri, salti og lyftidufti er bætt út í smátt og smátt, þess gætt að hræra ekki of mikið. Því næst er tekið um það bil ½ msk af deiginu, því rúllað í kúlu og hún flött út í lófanum. Einn Pipp moli er settur inn í deigið og því vafið vel utan um molann. Bitunum er þá raðað á ofnklædda bökunarplötu og bakað við 200 gráður í 6-7 mínútur. Þegar kökurnar eru komnar úr ofninum er hvítt súkkulaði brætt og því dreift yfir kökurnar þegar þær eru orðnar kaldar.
Uppskrift fengin af eldhússögur.com
