Súkkulaðikökur með hnetusmjörskremi
Súkkulaðikökur með hnetusmjörskremi
Hráefni
Smákökur
- 115g smjör
- 2bollar súkkulaðibitar
- 3/4bolli ljós púðursykur
- 1/2bolli sykur
- 2 stór Nesbú-egg
- 1 Nesbú-eggjarauða
- 1tsk vanilludropar
- 1 1/2bolli Kornax-hveiti
- 2msk kakó
- 1tsk maíssterkja
- 1/2tsk lyftiduft
- 1/2tsk matarsódi
- 1/4tsk salt
Krem
- 1 1/2bolli hnetusmjör
- 4msk mjúkt smjör
- 1 1/2bolli flórsykur
- 1tsk vanilludropar
- 1/4tsk salt
- 2-3msk mjólk
Leiðbeiningar
Smákökur
- Hitið ofninn í 180°C og klæðið ofnplötur með smjörpappír.
- Setjið smjör og súkkulaði í skál og bræðið í örbylgjuofni í 30 sekúndur í senn þar til allt er bráðnað. Munið að hræra inná milli.
- Leyfið smjörblöndunni að kólna aðeins og bætið síðan púðursykri, sykri, eggjum, eggjarauðum og vanilludropum saman við og hrærið vel með písk.
- Blandið þurrefnum vel saman í annarri skál og bætið þeim síðan varlega saman við smjörblönduna.
- Raðið deigkúlum á ofnplöturnar með góðu millibili því þessar dreifa úr sér.
- Bakið í 9-10 mínútur og leyfið kökunum alveg að kólna áður en kremið er sett á.
Krem
- Hrærið hnetusmjör og smjör vel saman í 3-4 mínútur.
- Bætið flórsykri, vanilludropum og salti saman við og hrærið vel.
- Bætið mjólk út í ef þarf. Setjið krem á helminginn af kökunum og notið hinn helminginn af kökunum til að loka samlokunum. Borðið með bestu lyst!
Uppskrift fengin af síðu blaka.is
