Súkkulaðikaka með KEA lakkrís-skyri og sterkum Djúpum
Súkkulaðikaka með KEA lakkrís-skyri og sterkum Djúpum
Kaka
200 g hveiti
200 g sykur
40 g kakó
1 tsk lyftiduft
1/2 tsk matarsódi
175 g mjúkt smjör
2 stór Nesbúegg
2 tsk vanilludropar
1 lítil dolla KEA lakkrís-skyr
Krem
1 poki sterkar Djúpur
150 g suðusúkkulaði
115 g smjör
1 lítil dolla KEA lakkrís-skyr
4,5 - 5 bollar flórsykur
Kaka:
Hitið ofninn í 180°C og smyrjið formin (ég notaði 2x 20 cm hringform)
Setið öll hráefin saman í hrærivél eða matvinnsluvél og blandið saman þar til deigið verður þykkt og mjúkt.
(Ef þið eruð sérvitringar eins og ég þá má líka byrja á að blanda saman hveiti, sykri, lyftiefnum og smjöri saman í eina skál og kakói, skyri, eggjum og vanilludropum í aðra. Blanda þessu svo öllu rólega saman).
Setjið deigið í formin og bakið í ca. 25-35 mínútur.
Leyfið kökunum að kólna í 10 mínútur áður en þær eru teknar úr formunum.
Krem:
Saxið Djúpurnar smátt, suðusúkkulaðið gróflega og skerið smjörið í teninga.
Bræðið þetta allt saman yfir vatnsbaði.
Setjið súkkulaðiblönduna í stærri skál og kælið í ca. 5 mínútur. Bætið flórsykrinum og skyrinu saman við og þeytið vel saman.
Setjið kremið á milli kökulaga og yfir kökuna og skreytið með söxuðum sterkum djúpum ef þið viljið fá extra mikinn lakkrís á kökuna ;)
Uppskrift fengin af kakanmin.com
