Eplakaka með rjómaosti
Eplakaka með rjómaosti
Best heit með ís eða rjóma
- 2 dl sykur
- 120 ml olía
- 1 tsk vanillusykur
- 200 g rjómaostur
- 2 Nesbú egg
- 2 dl hveiti
- 1.5 tsk lyftiduft
- kanelsykur
- 3 epli, afhýdd, kjarnhreinsuð og skorin í báta
Ofn hitaður í 175 gráður við undir- og yfirhita og ca. 24 cm smelluform smurt að innan. Sykur, olía, vanillusykur og rjómaostur er hrært vel saman. Þá er eggjunum bætt út í, einu í senn og hrært vel. Því næst er hveiti og lyftidufti bætt út í og hrært við lágan hraða þar deigið hefur blandast vel saman. Deiginu er svo hellt í smurt formið. Eplabátunum er velt vel upp úr kanelsykri og því næst stungið hér og þar ofan í deigið. Að síðustu er dálítið af kanelsykrinu stráð yfir kökuna. Bakað í ofni í ca 50-60 mínútur eða þar til kakan er bökuð í gegn í miðjunni og farin að losna frá forminu. Ef kakan fer að verða dökk í ofninum áður en hún er bökuð í gegn er gott að setja álpappír yfir hana. Best borin fram heit með þeyttum rjóma eða ís.
Uppskrift fengin af Eldhussogur.com
